په‌یوه‌ندی

نووسین

گۆرانی

ماڵه‌وه‌


سیروان حه‌مه‌ ڕه‌شید

یه‌کجار زوو بوو به‌جێت هێشتین

 

سه‌ره‌تایی ئاشنایه‌تیم به‌ هونه‌رمه‌ندکاروان‌عوسمانه‌له‌ساڵی1981ده‌ست پێده‌کات،پێکه‌وه‌له‌یه‌ک کۆڵانداده‌ژیاین له‌شه‌هیدانی ئازادی له‌شاری سلێمانی، ئه‌وده‌مه‌هێشتائاشنا نه‌بوبه‌کاری هونه‌ری، به‌ڵام زۆرجارپێکه‌وه‌یان له‌مالی یه‌کتریان له‌کۆڵان گۆرانیمان ده‌گوت، کاروان ئیقاعی زۆر باشبوپێکه‌وه‌ گۆرانیمانده‌گوت.

ئه‌وسه‌رده‌مه‌مان زۆری نه‌برد ئێمه‌ ماڵمان گواسته‌وه‌ بۆهه‌واره‌به‌رزه‌وئه‌وپه‌یوه‌ندیه‌زۆره‌ی جارانمان نه‌ما، به‌ڵام پاش چه‌ندساڵێک په‌یوه‌ندیمان ده‌ستی پێکرده‌وه‌، به‌ڵام به‌ شێوه‌یه‌کی ترئه‌وزۆر له‌کاری موزیکداپێشکه‌وتبوو، توانایاکی چاکی هه‌بو له‌ ئامێری (عودا)ته‌واو سه‌رقاڵیکاری موزیک بوو. منیش بره‌وم دابوبه‌خۆم له‌بواری ئه‌ده‌بیدا کۆمه‌ڵێ ،هۆنراوه‌م کرا به‌گۆرانی له‌گه‌ڵ تیپی سروودابڵاوکرانه‌وه.

په‌یوه‌ندی ئه‌مجاره‌مان زۆر جیاواز بو به‌سه‌رده‌می پێشومانه‌وه‌، بۆبه‌رهه‌مێک چه‌ندین شه‌ومان تاده‌مه‌وبه‌یان ده‌برده‌سه‌ر، کاروان زۆرهه‌ستێکی جوانی هه‌بو له‌هه‌ڵبژاردنی بابه‌تی هۆنراوه‌کاندا، زۆر هیلاک ده‌بوم تاهۆنراوه‌یه‌ک ته‌واو به‌دڵی ئه‌وده‌بوو.

چونکه‌شێوه‌ی کارکردنمان هه‌ندێ جارجیاوازبو، ئه‌وئاوازه‌که‌ی دانابوو ده‌بو من هۆنراوه‌یه‌ک بنوسم پربه‌پری ئاوازه‌که‌ی، ئه‌مه‌بۆخۆی کاری زۆری ده‌ویست وهه‌ندێ جارده‌بووگۆرانکاری بکه‌م له‌ زۆر وشه‌داتائه‌وه‌بێت ئاوازه‌که‌ جوان بکات. ئه‌م شێوه‌کارکردنه‌ زۆرتازه‌بوو بۆئاوازدانه‌روشاعیر به‌ڵام به‌رهه‌مێکی جوان دروستده‌بوو.

من پێم وایه‌کێشه ی ژیانی هونه‌ری کاروان، هه‌رله‌سه‌ره‌تاوه‌ده‌ستیپێکرد،ئه‌ویش کاتێک له‌دوای سێی ناوه‌ندی ویستی بچێته‌په‌یمانگای هونه‌ره‌جوانه‌کان به‌ڵام ئه‌ومامۆستایانه‌ی له‌وێ به‌رپرسبون بۆوه‌رگرتنی قوتابیه‌کان ئه‌ویان وه‌رنه‌گرت، له‌گه‌ڵئه‌وه‌ی حه‌زێکی زۆر وتوانایه‌کی سه‌ره‌تای هه‌بووله‌موزیکدا، به‌پێچه‌وانه‌وه‌که‌سانێک وه‌رده‌گیران که‌هیچ توانایه‌کی سه‌ره‌تاییاننه‌بوو.

ئه‌وه‌بووه‌ کۆسپێکی گه‌وره‌له‌ژیانی هونه‌ری کاروانداوئه‌وخه‌ونه‌ی بۆ نه‌هاته‌دی،به‌ڵام ئه‌مه‌کۆڵیپێنه‌داوکه‌وته‌هه‌وڵدانێکی جدی له‌کاری هونه‌ریداوبه‌ناچاری چووه‌ په‌یمانگای کشتوکاڵی سلێمانی.

گرفتێکی تری هونه‌رمه‌ند بێده‌رامه‌تی بوو، وه‌ک خۆی ده‌ڵێ(یه‌کجارزوو بووبه‌جێت هێشتین)باوکییان زۆر زووماڵئاوای کردوگوزه‌رانییان له‌سه‌رته‌نیا موچه‌ی دایکییان بوو. بۆیه‌ به‌شوێن کارێکداده‌گه‌راکه‌ئه‌وئه‌رکه‌ی سه‌رشانی دایکی که‌مکاته‌وه‌.

ساڵی1987بو دوکانێکی دۆزییه‌وه‌ له‌ساحه‌ی پاصه‌کانی کارێزه‌وشک بۆ رۆن گۆرین، هات بۆلام که‌پێکه‌وه‌ ئه‌وکاره‌بکه‌ین،ئه‌وده‌مه‌ من سه‌ربازی هه‌ڵهاتوبوم له‌ماڵه‌وه‌ خۆم شاردبووه‌، بریارمداله‌گه‌ڵیائه‌وکاره‌بکه‌م، تائه‌وکاته‌ی رۆژێک مه‌فره‌زه‌یه‌ک دای به‌سرمانداومن رامکردوخۆم ده‌ربازکرد له‌ده‌ستییان،ئیترناچاربوم به‌شه‌که‌ی خۆم بفرۆشمه‌وه‌ به‌کاروان و سلێمانی بجێبێڵم رومکرده‌ شاری هه‌ڵه‌بجه‌.

پاش ماوه‌یه‌ک نامه‌یه‌کی کاروانم بۆ هات که‌سه‌رگه‌رمی به‌رهه‌مێکه‌له‌گه‌ڵ هه‌نه‌رمه‌ند که‌مال محه‌مه‌دا ، نوسیبوی به‌رهه‌مه‌که‌ هه‌ندێ هۆنراوه‌ی سیاسی تێدایه‌ رژێم بێده‌نگ نابێت لێی بۆیه‌ ده‌بێت چاوه‌روانیان بکه‌م تابه‌رهه‌مه‌که‌بڵاوده‌که‌نه‌وه‌ پاشان دێن بۆلام و پێکه‌وه‌ سه‌فه‌ری ئێران بکه‌ین. به‌ڵام بڵاوکردنه‌وه‌ی به‌رهه‌مه‌که‌یان واده‌رنه‌چوو که‌خۆیان چاوه‌روانیان ده‌کرد، یان رژێم پلانێکی تری هه‌بو بۆجه‌زای ئه‌وکاره‌یان. پاشان کاره‌ساتی هه‌ڵه‌بجه‌ی شه‌هیدی به‌سه‌ردا هاتوو من پاش ماوه‌یه‌ک سه‌فه‌ری ئێرانم کردو له‌ کاروان دابڕام بۆ هه‌تایی.

هینده‌ی من شاره‌زای کاروان بوم به‌وهه‌موو هه‌ستوزۆزوناسکییه‌وه‌ که‌له‌ناخیدابوو هه‌رگیز به‌و هه‌واڵه‌بروام نه‌ده‌کرد، زۆردڵنییام به‌وتاوانه‌ تێوه‌گلابوو.

به‌داخه‌وه‌ ئه‌وسه‌رده‌مه‌ی ئه‌وتوشی ئه‌وکاره‌ساته‌هات، کوردستان له‌جه‌نگێکی ده‌سته‌ویه‌خه‌دابو، وڵات پاشاگه‌ردانیبوو، بۆیه‌نه‌توانرابه‌پێی پێویست هیچکارێکی دڵسۆزانه‌ومرۆڤانه‌ی بۆئه‌نجام بدرێت.

ئه‌وه‌ی له‌ئیمرۆدا ده‌توانین بۆ جوانه‌مه‌رگ بیکه‌ین به‌ هه‌وڵی دۆستان وعاشقانی ده‌نگی کاروان و ڕێکخراوه‌ مرۆییه‌کان دووباره‌هه‌ڵدانه‌وه‌ی دۆسییه‌ی له‌سێداره‌دان و پیاچونه‌وه وبه‌دواداچونی بۆبکرێت،ئه‌ویش به‌هه‌وڵیکه‌سانی دڵسۆزوشاره‌زا له‌وبوارادا.

هه‌زاران سڵاو له‌گیانی ئه‌وهونه‌رمه‌نده‌ی که‌م ژیا، به‌ڵام سۆزی ده‌نگه‌ غه‌مگینه‌که‌ی له‌نێو دڵماندا ماڵێکی بۆخۆی دروستکرد.

  سیروان حه‌مه‌ ڕه‌شید

 

ئه‌م هۆنراوه‌یه‌ی لای خواره‌وه‌ له‌ساڵی87 نوسیوه‌ کاروان عوسمان له‌هه‌مان ساڵدا ئاوازی بۆ داناوه‌  2008 بورهان مصطفی تۆماری کردوه‌

له‌م شاره‌دا

 

له‌م شاره‌دا ته‌مه‌ن وه‌رزه‌

هه‌ڵ نایه ‌لێی بزه‌ی شادی

هه‌ورێکی ڕه‌ش ڕه‌شماڵیه‌تی

بۆ چوار وه‌رزه‌ی بێ کۆتایی

 

له‌ شاره‌دا چه‌م ڕێبواره‌

تێده‌په‌ڕن به‌نابه‌دڵ

له‌م شاره‌دا، له ‌به‌یانا

بێ نه‌غمه‌یه‌ بولبول بۆ گوڵ

له‌م شاره‌دا، هه‌ردوو ئێستا

له‌یه‌ک ونین

نه‌تۆ دڵت له‌من ڕه‌نجا

نه‌من دڵم له‌تۆ ڕه‌نجا

ڕۆژگار به‌زۆر لێکی کردین!

رێی ئه‌م عیشقه‌ی پێ وێڵ کردین!

 

له‌م شاره‌دا

لێم ونی تۆ

که‌س پێم ناڵێ ناونیشانت

زۆر ده‌مێکه ‌وێڵم به‌شوێن

دواهه‌نگاوی جێ ژوانت

ته‌ماشاکه‌، دڵداره‌کان

ده‌ستی حه‌زیان له‌یه‌ک ناوه‌

ته‌ماشاکه‌، باڵداره‌کان

چۆن ده‌خوێنن به‌ تاسه‌وه‌

چاوه‌ڕێت بووم، که‌بێیته‌وه‌

خۆشه‌ویستیت بێته‌ بووک و

.دڵمی بۆ بکه‌م به‌که‌ژاوه‌

سیروان حه‌مه‌ ره‌شید