چوار قه‌سیـده‌ ی كورت
*فورات ئیسبر
 
و/ كاردۆ محه‌مه‌د




 

(1)
وه‌ك ئه‌وه‌ی له‌وێ‌ له‌دایك نه‌بوبێتم
وه‌ك ئه‌وه‌ی گونده‌كان گوێیان له‌ قیژه‌ی من نه‌بوبێت !
كه‌س گوێی له‌هاوار و ناڵێنی من نه‌بوو
جگه‌ له‌داروبه‌ردی سه‌ر رێگای ماڵی ئه‌و ژنه‌ نه‌بێ‌
كه‌ په‌تی ناوكی بۆ بڕیم و
پاشان خستمییه‌ نێو ئه‌م ((توناو تون ))ـه‌وه‌
ماڵی ئه‌و ژنه‌م له‌یاده‌
به‌ڵام خۆی ئاوابوو
ته‌نها رووناكییه‌كی كزی لێ مایه‌وه‌
كه‌ پێی ئه‌وترێ‌ یاده‌وه‌رییه‌كان
یان هاوار و ناڵینی یاده‌وه‌رییه‌كان
******
(2)
تۆ ئه‌ی دره‌ختی نائومێدی
ئاخۆ ته‌ورێك نییه‌ تێكتبشكێنێ‌؟
ئاگرێك
لافاوێك
ره‌شه‌بایه‌ك نییه‌ ؟
له‌ هیچ شوێنێكی سه‌ر ئه‌م خاكی خۆڵه‌مێشه‌دا
سێبه‌رێكت نییه‌ .
******
4
تۆ ئه‌ی ئاسمان
نه‌وه‌كانت له‌ ته‌نیاییه‌كی خوێناویدا
خه‌و ده‌یانباته‌وه‌
****
*فورات ئیسبر // شاعر ونووسه‌رێكی سووریه‌ ، له‌ وڵاتی نیوزله‌ندا نیشته‌جێ یه‌

 

           

 

30/08/2016

 

goran@dengekan.com

 

dengekan@yahoo.com