|
خودا ئه‌و چه‌مگه‌یه كه له ئێرانی كۆن بۆ ئه‌و
بوونه فه‌نتازیانه به‌كارهاتووه كه له سه‌روی
مرۆڤن، به‌پێی تێگه‌یشتنه میتافیزیكیه‌كانی ئه‌و
سه‌رده‌م ، واته یه‌ك خودا نه‌بووه وه‌ك ئه‌وه‌ی له
ئیسلام ئه‌للا ته‌نها یه‌ك بوونی تاك و ته‌نیایه.
خودا له هیج یه‌كێك له دین و تێڕامان و بیروباوڕی
ئێرانیه كۆنه‌كان خاوه‌نی ده‌سه‌لاتی ره‌ها نیه،
وه‌ك ئه‌وه‌ی ئه‌للا له ئیسلامدا هێز و بوونێكی
ره‌های هه‌یه، بۆ نمونه خودای باشه (ئاهوره‌مه‌زدا)
له به‌رانبه‌ری خودای خراپه (ئه‌هریمه‌ن) هه‌یه،
هیچ یه‌كێك له‌م دوو خودایانه خاوه‌نی ده‌سه‌لاتی
ره‌ها نین، ناكرێت به ئه‌للا و شه‌یتانی ئیسلامیان
بچووێنین، چونكه له ئیسلامدا ئه‌للا خاوه‌نی هه‌موو
شته‌كانه و دروستكه‌ری خودی شه‌یتانیشه، به‌ڵام له
دینه كۆنه‌كانی ئێراندا هیچ یه‌كێك له خوداكان
هێزێكی خراپه‌یان به‌رانبه‌ر به خۆیان دروست
نه‌كردوه، واته ئه‌هریمه‌ن دروستكراوی ئاهوره‌مه‌زدا
نیه.
خودا له دینه‌كانی ئێرانی كۆن هێز له مرۆڤ
وه‌رده‌گرێت، واته سه‌رچاوه‌ی هێزی خوداكان مرۆڤه،
ته‌واو به پێچه‌وانه‌ی ئیسلام، له ئیسلامدا ئه‌للا
هیچ سه‌رچاوه‌یه‌كی بۆ هێزی خۆی نیه به‌لكو ئه‌للا
خۆی سه‌رچاوه‌ی هێزه بۆ مرۆڤ. ئامۆژگاری و رێنمایی
هه‌موو دینه‌كانی ئێرانی كۆن بۆ مرۆڤه‌كان ئه‌وه
بووه كه كاری چاكه بكه‌ن بۆ ئه‌وه‌ی خودای چاكه
زاڵ بێت به‌سه‌ر خودای خراپه، پێیان وابووه كه
ئه‌گه‌ر مرۆڤه‌كان خراپه بكه‌ن ئه‌وه خودای خراپه
به هێزتر ئه‌بێت له خودای باشه و به‌سه‌ریدا زاڵ
ئه‌بێت و شكستی پێ دێنێت، هه‌رچی ئه‌للای ئیسلامه به
هیج شێوه‌یه‌ك دۆڕان و شكستی بۆ نیه و هه‌رگیزاو
هه‌رگیز پێویستی به مرۆڤ نیه بۆ ئه‌وه‌ی زاڵی بكات
به‌سه‌ر شه‌یتان یان هه‌ر بوونه‌وه‌رێكیتر.
مێژووی خودا زۆر له مێژووی ئه‌للا كۆنتره به هۆی
ئه‌وه‌ی كه مێژووی شارستانیه‌تی ئێرانی كۆن و مێژووی
دین و تێڕامانه‌كانی زۆر له مێژووی شارستانیه‌تی
عه‌ره‌ب و ئیسلام كۆنتره، بگره له مێژووی جوله‌كه‌ش
كۆنتره.
جوغرافیای خودا كه له‌دایك بووی ئێرانی كۆنه جگه
له‌وه‌ی سه‌رتانسه‌ری ئێرانی كۆنی گرتۆته‌وه له زۆر
شوێندا سنوریشی به‌زاندوه و په‌ڕیوه‌ته‌وه ناو
ملله‌ت و شارستانیه‌ته‌كانیتریش، جوغرافیای ئه‌للا
نیوه دورگه‌ی عه‌ره‌به، تا داگیركردنی ئێران
له‌لایه‌ن عه‌ره‌به ئیسلامه‌كان هیج یه‌كێك له خودا
و ئه‌للا سنوری یه‌كتریان به‌و شێوه‌یه نه‌به‌زاندوه
كه ببێته مایه‌ی ناسینیان، واته تا كاتی ئه‌م
داگیركردنه نه عه‌ره‌به‌كان خودایان ناسیوه و نه
ئێرانیه‌كان ئه‌للایان ناسیوه، له‌گه‌ڵ ئه‌و
داگیركردنه ئه‌للا ئه‌گات به ملله‌تانی ئێران،
به‌وانه‌ی كه ئه‌كه‌ونه ژێر ركێفی و ئه‌وانه‌ی
به‌ره‌نگاری ئه‌بنه‌وه، هه‌رچی جوغرافیای خودایه
به‌ر ته‌سك ئه‌بێته‌وه و خۆشی ئه‌كه‌وێته ژێر
تێگه‌یشتن و لێكدانه‌وه‌كانی ئیسلام.
ئه‌گه‌ر خودا و ئه‌للا یه‌ك شت بن ئه‌ی بۆ وه‌ك
ئه‌وه‌ی ئه‌للا به‌و شێوه به‌رفره‌وانه‌ی له‌لایه‌ن
ملله‌تانی ئێران ناسرا بۆ به هه‌مان شێوه خودا
له‌لایه‌ن ملله‌تی عه‌ره‌ب نه‌ناسرا، بۆ تا ئێستاش هیچ
عه‌ره‌بێك نازانێ كه خودا ئه‌للایه و ئه‌للا
خودایه؟؟؟؟
من پێم وایه مانه‌وه‌ی خودا له ناو ملله‌تانی ئێرانی
كۆن ته‌نها ئه‌وه ئه‌سه‌لمێنێ كه ئه‌و ملله‌تانه
به زه‌بر و چه‌نگ كراون به ئیسلام و ئه‌للا و
شه‌ریعه‌تی ئیسلامیان به‌سه‌ر سه‌پێندراوه، به‌ڵام
خه‌لكه‌كه له‌ناو خۆیدا هه‌ر له‌سه‌ر ئه‌و دین و
تێڕامانانه ماونه‌ته‌وه كه بوونی خودای تێدایه.
تاكه به‌ڵگه‌یه‌ك نیه كه له هیچ یه‌كێك له
دینه‌كانی ئێرانی كۆن باس له ئه‌للا كرابێت یان ئه‌و
ناوه به‌كارهاتبێت، دیاره ئه‌وه‌ی ئیسلامیش ته‌واو
دیاره كه له سه‌رتانسه‌ری قورئاندا بۆ یه‌ك تاكه
جاریش وشه‌ی خودا به‌كار نه‌هاتووه له كاتێك كه
قورئان به ده‌یان وشه‌ی ئێرانی كۆنی تێدایه، بگره
یه‌ك حه‌دیسیش نیه باس له خودا بكات.
ئه‌گه‌ر وه‌ك وه‌رگێڕان (ترجمه) لێكیبده‌ینه‌وه
ئه‌وه له وه‌رگێڕاندا ناو وه‌ك خۆی ئه‌مێنێته‌وه،
ئه‌للا ناوه هه‌ر بۆیه‌ش نه‌كراوه به ته‌واوه‌تی و
له هه‌موو شوێنێك وه‌ربگێڕدرێت، بۆ نمونه تا ئێستاش
بانگدان وه‌رنه‌گێڕدراوه، له هیچ مزگه‌وتێك له
جیاتی ئه‌للا ئه‌كبر هاوار ناكرێت بڵێن خودا
گه‌وره‌یه، له هه‌مان كاتدا ئه‌للا ناوه، خودا
سیفه‌ته.
ئه‌للا ناوێكه له ئیسلامدا نه‌وه‌د و نۆ سیفه‌تی
هه‌یه، قادر، جه‌بار، ره‌حمان، ره‌حیم ،،،،،،،،،،
هتد، هه‌رچی ئه‌هریمه‌ن و یه‌زدان و ئاهوره‌مه‌زدا
وووووو،ئه‌مانه ناون سیفه‌تی خوداییان هه‌یه.
ئه‌مانه و گه‌ڵێك جیاوازیتر له نێوان ئه‌للا و خودا
هه‌ن كه تا ئێستا كورده ئیسلامه‌كان له‌یه‌كتریان
جیاناكه‌نه‌وه، ئیسلام توانی زۆر شتی ملله‌تان له‌ناو
ببات و بشێوێنێت له‌وانه‌ش ملله‌تی كورد، به‌ڵام
نه‌یتوانی ته‌واوی داب و نه‌ریت و بیر و باوڕ و
زمانه‌كه‌ی له‌ناو ببات، تێكه‌ڵ به یه‌كتر كردنی
ئه‌للا و خودا یه‌كێكه له‌و شێواندنانه.
كه‌واته پێویسته لێره ئه‌و پرسیاره ئاڕاسته‌ی
كورده ئیسلامه‌كان بكه‌ین ( ئه‌گه‌ر ئێوه به‌ڕاستی
باوڕتان به ئه‌للا هه‌یه بۆ ده‌ستبه‌رداری خودا
نابن؟؟؟؟؟؟؟)
|
