|
له دنیادا هیچ شتێك ئه‌وه ناهێنێ خوێنی مرۆڤێكی
له‌سه‌ر بێته ڕشتن..
سه‌رله به‌یانی 4/5/2010 قوتابی قۆناغی چواره‌می
به‌شی زمانی ئینگلیزی و رۆژنامه‌وان (سه‌رده‌شت
عوسمان) له‌به‌رده‌م كۆلیژی ئاداب، له شاری هه‌ولێر
له‌لایه‌ن گروپێكی نه‌ناسراوه‌وه ڕفێنراو رۆژی
6/5/2010 ته‌رمه‌كه‌ی له گه‌ڕه‌كێكی شاری موسڵ
دۆزرایه‌وه!!.هه‌ڵبه‌ته ئه‌م كاره تیرۆریستیه
وبه رۆژی رووناك و به به‌رچاوی خه‌ڵكه‌وه نیگه‌رانیه‌كی
یه‌جگار زۆرو هه‌زارو یه‌ك پرسیاری بێ وه‌ڵامی!!
له‌لای جه‌ماوه‌ری خه‌ڵكی كوردستان دروستكردووه‌و
هه‌ر داروده‌سته‌و گروپ وتوێژێكی كۆمه‌ڵگه‌ی كورده‌واری
به جۆرێ ناره‌زایی خۆیان ده‌رده‌بڕن و ئیدانه‌ی
ئه‌م كرده‌وه دژه ئینسانیه ده‌كه‌ن و ئێمه‌ش وه‌كو
لقی كه‌ركووكی نووسه‌رانی كورد به توندی ئه‌م
كاره مه‌حكووم ده‌كه‌ین و داوا له وه‌زاره‌تی
ناوخۆو لایه‌نه په‌یوه‌ندیداره فه‌رمیه‌كان ده‌كه‌ین
تاقیب وسۆراخی جددی بكه‌ن و ئه‌نجامده‌رانی ئه‌م
تاوانه گه‌وره‌یه بدۆزنه‌وه‌و بیانده‌نه دادگاو
رێگه نه‌درێ هه‌رێمی كوردستان ببێ به لانه‌و
مه‌ڵبه‌ندی تیرۆریستان،چونكه ئه‌گه‌ر ئه‌م حاڵه‌ته
ببێ به دیارده، ئیدی ئه‌من و ئاسایشی وڵاته‌كه‌مان
ده‌شێوێ و له وڵاتی خۆمان جێمان نابێته‌وه..
ئیدی ده‌ست له ده‌ست و هێز له خوا بۆ دۆزینه‌وه‌و
دادگایی كردنی بكوژانی شه‌هیدی جوانه‌مه‌رگ (سه‌رده‌شت
عوسمان)ودووباره‌ی ده‌كه‌ینه‌وه كه له دنیادا
هیچ شتێك ئه‌وه ناهێنێ خوێنی مرۆڤێكی له‌سه‌ر
بێته ڕشتن..
لقی كه‌ركووكی
یه‌كێتیی نووسه‌رانی كورد
7/5/2010
|