گوڵه‌کانم .خۆشه‌ویسته‌کانم .گه‌لێک هه‌وڵمدا ته‌له‌فۆنتان له‌گه‌ڵ بکه‌م، به‌ڵام نه‌متوانی له‌گه‌ڵتان بدوێم. پێیان ووتم که‌یه‌کجار په‌رۆشن و زۆر ئه‌سته‌مه‌ بتوانن وه‌ڵامی ته‌له‌فۆن بده‌نه‌وه‌.
له‌قوڵایی دڵ وهه‌ست وسۆزمه‌وه‌، هاوبه‌شی کاره‌ساته‌ گه‌وره‌که‌تانم. ئه‌م کۆسته‌، هه‌ر ته‌نها له‌ ئێوه‌ نیه‌. ئه‌م کۆسته‌ سه‌راسه‌ری کوردستان و جیهانی لێئاگاداره‌ وخه‌ڵک تووڕه‌و په‌سته‌ له‌ ده‌سه‌ڵاتداران وداوای بکوژان و پلان وده‌سته‌که‌ی پشتی ده‌که‌ن.
دوعا له‌ساڵی پار، بوو به‌ زه‌حیه‌ی به‌ربه‌ریه‌تی سوونه‌تی دواکه‌وتوانه‌ی کۆنه‌په‌رستی،وه‌ شه‌پۆلی ناره‌زایه‌تی به‌ڕووی ئه‌و سونه‌ته‌دا به‌سه‌راسه‌ری جیهاندا گڕی گرت . هاوڕێ سه‌رده‌شت گیانفیدای رووبه‌روو بوونه‌وه‌ی تیرۆریزمێکی سیاسی کۆنه‌په‌رستی ته‌قلیدیه‌. شاڵاوی شه‌پۆلی هه‌ستانه‌وه‌و به‌رخۆدان به‌ ڕووی ئه‌م به‌ربه‌ریه‌ته‌ی سیاسه‌تی تۆقاندنه‌‌،ته‌ماشاکه‌ن، هه‌موو کوردستان وجیهانی داگرتووه‌. ته‌ماشاکه‌ن و به‌ که‌س وکارتان بڵێن سه‌رده‌شت هه‌ر ته‌نها کوڕی ئێمه‌ نیه‌. هه‌زاران که‌س له‌ سه‌راسه‌ری جیهاندا، ده‌یان ڕێکخراوو لایه‌ن له‌سه‌راسه‌ری جیهاندا، له‌م تاوانه‌ خۆش نابن و هه‌ڵشاخاون به‌رووی چه‌وسێنه‌راندا. هیوادارم ئه‌م پشتیوانیه‌ مه‌زنه‌ جیهانیه‌، قامه‌تی ئێوه‌ به‌رز ڕابگرێت. وه‌ سوکنایتان پێبدات.

چاوه‌ ته‌ڕه‌کانتان ماچ ده‌که‌مه‌وه‌
جه‌مال کۆشش
7.5.2010