له‌ كاتێكدا هه‌رێمی كوردستان به‌ كه‌شێكی ئارام و ئازاددا تێ ده‌په‌ڕێ، به‌ڵام زۆر به‌داخه‌وه‌ به‌ رۆژی رووناك رۆژنامه‌وانان ده‌رفێنرێن و تیرۆر ده‌كرێن، ئه‌م تیرۆركردنه‌ش له‌كاتێكدایه‌ كه‌ حزبه‌ ئیسلامیه‌كان و مه‌لا توندڕۆكان داوای لغاوكردن و فه‌توای كوشتنی رۆژنامه‌وانان و میدیای ئازاد ده‌ده‌ن، تیرۆركردنی هاوكارمان(سه‌رده‌شت عوسمان) هه‌موومانی تاساند و دیسانه‌وه‌ لاپه‌ڕه‌یه‌كی تری میژوو و ره‌فتاری ئیسلامیه‌كانی ره‌شتر كرده‌وه‌، ئۆبالی ئه‌و كرده‌وه‌ نامرۆڤانه‌ییه‌ ده‌خه‌ینه‌ ئه‌ستۆی هه‌موو ئه‌و فیكرتیرۆریستانه‌ی كه‌ له‌ه‌ند رۆژی رابردوو بانگه‌شه‌ی لغاوكردنی رۆژنامه‌نووسانیان ده‌كرد، بۆیه‌ داواكارین له‌ لایه‌نه‌ به‌رپرسه‌كان و حكومه‌تی هه‌رێم پیش ئه‌وه‌ی له‌ هۆكار و چۆنێتی تیرۆركردنی هاوكارمان(سه‌رده‌شت عوسمان) بكۆلێته‌وه‌ با هه‌وڵی ئه‌وه‌ بده‌ن لێكۆڵینه‌وه‌ له‌گه‌ڵ حزبه‌ ئیسلامیه‌كان و ئه‌و مه‌لایانه‌دا بكه‌ن كه‌ بانگه‌شه‌ی لغاوكردنی میدیای ئازادیان ده‌كرد، ئیمه‌ش وه‌كو ستاڤی گۆڤاری ئێوه‌ له‌ ماوه‌ی رابردوو زۆر هه‌ڕه‌شه‌ و گوڕه‌شه‌ و فه‌توا و غوتبه‌ و هیرشمان كرایه‌ سه‌ر له‌لایه‌ن ئه‌م فیكرتیرۆریستانه‌وه‌، وه‌كو ستاڤی گۆڤار ئیدانه‌ی ئه‌م كرده‌وه‌ دزێوه‌ نامرۆییه‌ ده‌كه‌ین و داواكارین به‌ زووترین كات تاوانباران ئاشكرا بكرێن و بدرینه‌ دادگا.

بژی میدیای ئازاد
بژی بیر و رای ئازاد
سه‌رشۆڕی بۆ شه‌مشه‌مه‌كویره‌كانی جه‌هاله‌ت
نا بۆ فیكری تیرۆر و تیرۆریستان



ستاڤی گۆڤاری(ئێوه‌)
هه‌ولێری پایته‌خت
6/5/2010