|
نه‌ته‌وه‌یه‌ک له‌گه‌ڵ ترس ئه‌خه‌وێ و له‌گه‌ڵ زوڵم ڕۆژئه‌کاته‌وه . . !
ڕێگرتن له‌ده‌ربڕینی بیروڕا یان ئازادی و کپ کردنی ووشه په‌نگخواردووه‌کانی ناخ وه‌کوکوشتن و ئه‌نفال کردنی مرۆڤه‌کانه له‌جه‌سته‌دا . چه‌ند ڕۆژێکه له‌باکوری ووڵات میلله‌تی کورد گووله باران ده‌کرێت و کچان و کوڕانی ئه‌م ده‌ڤه‌ره به‌قژ ڕاکێشان و لێدان و ته‌قه‌کردن و هه‌موو کرده‌وه‌یه‌کی نامرۆڤانه‌ی به‌رامبه‌ر ده‌کرێ به‌تایبه‌ت پایته‌ختی کوردستان که شاره‌جوانه‌که‌ی دیار به‌کره . ئه‌م شاره‌ی که هه‌میشه به شاری که‌مالیست به‌زێن و ئازاو گووڵی جوانی باخچه‌ی سه‌ربه‌ستی باکور ناوبانگی هه‌یه هه‌میشه سه‌ربه‌رزو بوێرو ئازاو کۆڵنه‌ده‌ر بووه هه‌ربۆیه ده‌سته‌خوشکی ئازاره‌کانی دیاربه‌کر هه‌میشه له‌دووای خۆی پشت و په‌نای بوون بۆیه که دیاربه‌کری سه‌ربڵند گڕی هه‌ناسه‌ی دوژمن سوتێنی ده‌ست پێده‌کات ده‌سته‌خوشکان و عاشقانی ڕێگای سه‌ربه‌ستی و خۆشه‌ویستی چاوو ده‌سته‌کانی تری ووڵات شه‌ماڵی ئازادی ده‌بێته دنیای ماخۆلان و نه‌سره‌وتنیان و دێن به‌هانای مێژوویه‌ک که‌هه‌موو ته‌مه‌نی سه‌ربڵندی بووه بۆ کوردوکوردستان که دیاربه‌کره هه‌ربۆیه له‌م ڕۆژانه‌دا که‌دیاربه‌کر ڕقی پیرۆزی ئه‌کاته ڕه‌شه‌بای تۆڵه‌و دێته‌وه به‌گژ که‌مالیسته‌کاندا و دووابه‌دووای ئه‌وه ده‌سته‌خوشکانی تینووی شکانی زیندانی زوڵم و سته‌م دێنه وه‌ڵام وه‌ک . . وان ، باتمان ، موش ، سێرت ، ئه‌ده‌نه ، هه‌ندێ ناوچه‌ی تری بچوکیش بۆوه‌ڵام و تؤڵه‌ی دیاربه‌کر ئه‌م ده‌ست درێژی یه‌ی که‌مالیسته‌کانیان ڕوو ڕه‌ش کردو هه‌ڵسان به‌خۆپیشاندان دژ به سه‌قه‌تترین سیستمی نادیموکراتی له‌ناوچه‌که و شۆڤێنی ترین ده‌وڵه‌ت که تورکیایه تاوانبارو مه‌حکوم کرد . بۆیه ئه‌بوایه باشوریش وه‌ک ئه‌ندامی له‌شی باکور ئه‌و ده‌ست و چاوه بووایه که دیاربه‌کر پێی ببینێ و شانازی پێوه بکات . به‌ڵام به‌داخه‌وه . . ! سه‌یره به‌به‌رچاوی خۆمانه‌وه ئاگر به‌رده‌درێ له‌ڕۆحی نه‌ته‌وه‌یه‌ک و مافی ژیانی لێ زه‌وت ده‌کرێ و پێی ده‌وترێ مرۆڤی کێوی و ده‌ست درێژی ده‌کرێته سه‌ر ناموسی خاک و ئاوی نیشتمانه‌که‌ی و به‌به‌رچاوی هه‌موو دنیاوه که‌خۆیان به‌ماف په‌روه‌رو سیکۆلارو مه‌ده‌نی ده‌زانن که‌چی وورته‌یه‌ک ناکه‌ن و ئه‌یشزانن که‌مێژووی ئه‌تاتورک و که‌مالیسته‌شۆڤێنی یه‌کان چ ڕوبارێکی خوێن بووه ؟ ئێمه هه‌موو ئه‌زانین که نه‌ته‌وه‌ی کورد له‌باکور گه‌وره‌ترین زوڵمی نه‌ته‌وه‌یی و چینایه‌تی له‌سه‌ره وساده‌ترین مافی لێ قه‌ده‌غه ده‌کرێ و به‌زوڵم ڕۆژده‌کاته‌وه وبه‌ترس ده‌خه‌وێ که‌ئه‌ویش له‌هه‌ناسه‌و خوێنی ئێمه‌یه‌و کوردن و ژماره‌یان پتره له بیست و دوو ملیۆن و که‌سێک به‌رگری لێناکات و هه‌موو مرۆڤایه‌تیش ئه‌مڕۆ به‌ناوی مرۆڤایه‌تی و دیموکراتی یه‌وه ده‌په‌یڤن ، به‌ڵام به‌داخێکی زۆره‌وه ئێمه نه‌ک پشتگیری ناکه‌ین به‌ڵک و ناوێرین باسیشی بکه‌ین نه‌وه‌ک و خۆیشمان جێمان پێ له‌ق بێت . زۆربه‌ی کوردیش وا له‌م که‌ش و هه‌وایه حاڵی بوو بوو که باشور ئه‌بێته هه‌وێنی ئازادی بۆ ناوچه‌کانی تر به‌ڵام دووای پانزه ساڵ ناتوانێ نه‌ته‌وه‌ی باشوریش ڕازی بکات و بیبات به‌ڕێوه .
م . حه‌مید عه‌زیز
|
|
|
04/07/2007 |