|
|
له یادی
نه‌ورۆز ،
بۆ عه‌زیزی(شاهروخ)یعه‌زیز !
محه‌مه‌دی
که‌ریمی
رۆژنامه
نووسی سه‌ر به خۆ
سڵاو عه‌زیزه‌که‌م،
له دووره‌وه تانزیک کۆڵانه
ته‌نگ و باریک وخێچ و خواره‌کانی مه‌هابادی کۆن و
سابلاغی دێرین، سڵاو بۆ تۆ ئه‌ی یاری
جوان. له‌و کوچه و کۆڵانانه‌ی که به پێچێک یان
دوو پێچ خللۆر ده‌بنه‌وه به‌ر ده‌رگه‌ی
ماڵی پێشه‌وای نه‌مری کورد و ده‌گه‌ییه
به‌ر ده‌م ده‌فته‌ری کاری یه‌که‌م سه‌ره‌ک کۆماری
کورد، قازی محه‌مه‌دی هه‌میشه زیندوو ، هه‌موو کاتێک عه‌زیزی
شاهروخم له ماڵی خۆی و له‌و کۆڵانانه‌دا ده‌دیته‌وه. جیرانی ماڵی
پیشه‌وای مه‌زنی کورد بوو. ناخودئاگه که ده‌گه‌یشتیه
ماڵی شاهروخ باسی کوچه و کۆڵانی کۆن و
قه‌دیم و پێشه‌وا و کۆمارو....... شاهروخ خۆی زه‌ق
و زیندوو به‌ره‌ورووت دانیشتبوو ، هه‌موو هه‌ستی شاهروخ و سه‌رتاپای
گۆرانی و مه‌قام و ناڵه‌ی ئاوازه‌کانی شاهروخ تێکه‌ڵاوی
ئازادی و سه‌ربه‌ستی و ئه‌وپه‌ڕی ئه‌شق و خۆشه‌ویستی
و پاکیـه، له پڕ به‌ده‌رون ده‌کوڵا و هه‌رکه ده‌هاته جۆش
،ده‌خرۆشا و..... سـڵاو بۆ تۆ ...... سڵاو
له‌و ته‌بیعه‌ته جوانه‌ت، عه‌زیزی شاهروخی گوڵ،
مامۆستا و بولبولی ده‌نگ خۆشی کورد.
تۆ دوور و من دوور هه‌ردوو هه‌ر دوورین.
هه‌موو له یه‌ک دوورین. دووریان خستووینه‌ته‌وه، ته‌نانه‌ت
له پاڵ یه‌کتریشدا. چه‌ند به وریایی و له
سه‌ره‌خۆ و کاری وکارایی...... ده‌سـا وه‌رن با به فرمێســکی
خه‌م رووباریک ئاره‌قه له جێی خوێن، له نێوان مناڵه ژینتاڵه‌کانمان
هه‌ڵبه‌ســتین.
شـه‌وه زه‌نگی کاروانی ئێمه‌ی
هێشته‌که‌یش به‌سته‌زمان و دواکه‌وته له پێشکه‌وتنی زه‌وی
و زه‌مان و دوورکه‌وته له خۆشی
و چی حه‌سانه‌وه‌و به‌خته‌وه‌ری و غه‌ریب و وێل و ئاواره
و سه‌رگه‌ردان به دوای ئه‌وه‌ی که شایانی مرۆڤ
و جیهانی مرۆڤایه‌تییه و ته‌نانه‌ت له
دوای پتر له دووهه‌زارو پێنج ساڵی زایینی
و له سه‌ره‌تای هه‌زاره‌ی سێهه‌می ئه‌م عه‌سـره پڕ
له ده‌ردی سـه‌ر‌یـــه، کۆیله‌تی و نه‌هاتی
و نه‌گبه‌تی، له بۆ ئێمه‌ی کوردو کوردستانی هه‌روا
به ڕێوه‌یه‌و لــۆ ........! که‌چی ، مـن و تـۆ
و ئێـمه و ئـه‌وان و به گشتی هـه‌مووان، گیرۆده‌ی
بێکه‌سی و نه‌زانینن. نابه‌ڵه‌د و سه‌رلێشێواو،
هه‌مدیسانه‌وه له داو به‌ندی من و منمنۆکێی ئه‌ملا
و ئه‌ولادا بێ سووچ و بیتاوان و نابه‌ڵه‌د ده‌خولێنه‌وه....
ده‌تلێنـه‌وه و ده‌توێنه‌وه خول به خول و هه‌نگاو به هه‌نگاو و هه‌ر
یه‌که‌ی له ڕێگه‌یه‌که‌وه....! ده‌ک چ گیان
سه‌ختین ئێمه که هه‌روا له‌م باره‌دا ماوینــه‌ته‌وه.! چه‌نێک
ڕاستی گووتووه ئه‌و زاته پاکه که ده‌فه‌رمێت : ســه‌فه‌ری نابه‌ڵه‌دی
زۆر ناخۆشــه.
تۆ بڵێی هه‌مدیسانه‌وه،
بای شــه‌ماڵێکیتر هه‌ڵنه‌کاته‌وه‌و به‌زم و خۆشی
و شادی ئه‌و ڕۆژه خۆشانه‌ی جاری جارانمان بۆ
زینـــدوو نه‌کاته‌وه.؟
شــاهروخ ، ئه‌ی بولبوله ده‌نگخۆشه
ژیکه‌ڵانه‌که‌ی کورد تێی چریکێنـــه‌وه........
شه‌ماڵه‌که‌ی ساڵانی ڕاپه‌ڕینم بۆ
بڵێره‌وه...... هه‌ڵکه‌وه جارێکیتر، ئه‌و چرایه‌ی که
سوبحـده‌م وه پێــکه‌نێن ده‌هێنێت.....
نه‌وه‌ی تازه‌یش پێ خۆشه گوێیان لێبێت
و ئه‌یانه‌وێت بزانن، درختی باخی عاله‌م چۆن بــه‌ر
ده‌هێنێت و ژیان و ژینی ئازادی و سه‌ربه‌ستی
مرۆڤ چلۆن پێ ده‌گرێت و سه‌ر ده‌که‌وێت......!سـه‌یری
که هه‌موو وه‌ک یه‌ک به یه‌کده‌م چڵ به چڵ ده‌گرین. مناڵه‌کان ،
ئه‌ی برسییه ژین تاڵه‌کان...... هه‌بوو ، نه‌بوو
..... رۆسته‌می زاڵی سه‌نگه‌رمان ترسه‌نۆک بوو، فه‌یله‌سووفمان
فاڵچین بوو.......!
سڵاو ،له‌و ته‌بیعه‌ته جوانه‌ت
شــاهروخی عـا‌زیز. بژی به سه‌ربه‌رزی ، بـه نان و
ئاوێک . ســه‌ر دامه‌نه‌وێنــه بۆ هه‌موو ناپێاوێک
.....!
چ خۆشی گووتووه خه‌یام ، ئه‌و
شاعیره هه‌میشه زیندووه‌ی هه‌رسێ جیهانی
دیار و نه‌دیاری کاتی و ڕابردوو و داهاتوو...... چه‌نێک
جوانیشی ته‌رجمه کردووه‌ته‌وه ئه‌و پیری ڕه‌ند و
مه‌ندی خراباتی و کوشته‌ی ده‌ستی ئازادی ، مامه
هه‌ژاری موکریانی و ئه‌تۆیش چه‌نده به سۆز
و جۆشه‌وه گووتوو‌ته‌وه، ئه‌ی شاهروخی ده‌نگ به‌رز و سه‌ربه‌رزی
کوردستانی، جێنشینه به‌ر هه‌قه‌که‌ی سه‌ید عه‌لی
ئه‌سغه‌ری کوردستانی نه‌مر و...... ده‌سا ، هه‌مدیسانه‌وه،
دووپاته و چه‌ندپاته‌ی که‌ره‌وه....... ئه‌ژده‌هاک و زوحاک و زاڵم و
قه‌لبی من بچرێنه‌وه
و سه‌رله نوێ تێیبـچریکێنه‌وه،
ئــه‌ی زاڵـم نه‌مێنــی ....!کور ده‌ڵێ هه‌ر
که‌سێ ده‌بێته باعیسی دوو دڵانێ ،خێر
و خۆشی له ماڵه خۆی نه‌بێنێ..... ئه‌ی
زاڵم نه‌مێنی!
هێشته‌که‌یش، ڕه‌نگ وبۆی
زوڵم و زۆری زۆرداری ناکه‌س و ناوه‌رۆکی زێڕ
و زێوی چه‌وسێنه‌رانی شارولادێ و روخساری ڕاسته‌قینه‌ی
دزه دێزه‌کانی شه‌و رۆژی ماڵ و حاڵ و ژیانی
گشتی خه‌ڵکی و هه‌روه‌ها، هه‌ڵم وهاڵاوی به‌ده‌کی
ناوه‌کی و ئه‌بزار یه‌ده‌کی وێرانگه‌ری
ده‌ره‌کی، ئاو و خاکی پاکی ئه‌م کوردستانه جوان و شیرین و ڕه‌نگینه،
لـۆ زۆربه‌ی مناڵانی
ته‌نانه‌ت دوێنێ و پێرێش شاراوه و به داپۆشراویی
ماوه‌‌ته‌وه. چ بگات به حه‌د و مه‌رز و سنوری کۆمه‌ڵی وێرانکراوی
ئه‌مرۆ و سبه‌ینێی تاریک و نادیار......... ژیان
و ژینی مناڵه‌کان هه‌روا تاڵه و ناخۆشتره له جاری
جاران.
برسییه ژین تاڵه‌کان
و هه‌موو لایه‌ک پێویستییان به یارمه‌تی
گشـتییه.
یاخی بوونی برسی شتێکی
سروشتییه و ئاسایی، گه‌رچی غه‌یری یاسایش
بێت.
شه‌ونامه‌که‌ی شاعیری تینوی
گه‌لی کوردیان بۆ هه‌ڵده‌وه، ئه‌و مه‌زنه‌ی که شه‌و
نییه خه‌ونمان پێوه نه‌بینێت و رۆژ نییه
لێمان توڕه نه‌بێت. ده‌نگ هه‌ڵبڕه و هه‌مدیسانه‌وه بچریکێنه‌وه
و ئاوازی مناڵه‌کان بۆ مناڵه برسییه ژین
تاڵه‌کان به ئاهه‌نگ و نه‌وای دڵی پڕله سۆز
و به جۆش و خرۆش له گه‌روی زێڕینی خۆتــا
بیڕازێنه‌وه و بیله‌رێنــه‌ه......... ده‌ڵێن
: رۆژی ئازادی گه‌لانی جیهانه، سه‌رده‌می دیموکراسی
و ئاواز و ئاهه‌نگی هه‌رلایه،
به‌ش به‌ش و دابه‌شکردنی ئازادی و دیموکراسی و خۆشییه،
به تایبه‌تی له رۆژهه‌ڵاتی به قوڕێ
گیراوی خاوه‌ری میانه و له ناوه‌ڕاستی شه‌رق الوه‌سه‌تی ناوین
و........ هه‌ر بۆیه پێویسته خه‌ونه‌که‌ی په‌شێوی
زانا بۆ مناڵه چاوگه‌شه‌کانی کورد و بۆ هه‌موو برسییه
ژین تاڵه‌کانی ئه‌م وڵاته له‌ت له‌ته بگێــڕیته‌وه. واده‌ی ناشتنی ته‌رمی
پائیزه و ده‌نگ هه‌ڵبڕه و ســه‌رهه‌ڵده‌وه بۆ
جارێکی تر و مناڵه‌کانمان بۆ بخوێنه‌وه....!
مناڵه‌کان !
شه‌و له خه‌وما
ڕێبوارێک بووم،
به‌ره‌و باره‌گه‌ی یوتان
ده‌چووم.
که ده‌روه‌ازه‌که‌ی قووتی
دام.
سپیم بینی ئاڵای
هه‌بوو.
ڕه‌شم بینی ئاڵای
هه‌بوو.
هه‌رچی بینیم ئاڵای
هه‌بوو.
قیـــژاندیان :
بۆ ده‌ره‌وه ئه‌ی بێ
ئالا.
ئه‌ی بێ وڵات.
ئه‌منیش گووتم :
مه‌قیــژێنن.
که چوومه‌وه ئه‌م چیرۆکه
بـــۆ مناڵه‌کان ده‌گێڕمه‌وه.
نزیک به سی ساڵ به‌ر له‌م رۆژ
و شـه‌و و مانگ و ساڵانه ، شه‌ونامه‌که‌ی شاعیری تینوی
گه‌لی کورد ،شیعره‌کانی مامۆستای به‌رز و به
توانا، په‌شـــێوی به ده‌ست وبرد و نوکته‌بین و دووربینی
کورد ، به نهێنی له گه‌رمێنه‌وه بۆ کوێســتان گوێزرایه‌وه.
گه‌یشته ده‌ست عه‌زیزی شاهروخی گوڵ، له گه‌ڵ
ئه‌و ده چۆله‌که‌یه‌ی که له به‌غدا سه‌ریان بڕیبوون ،گه‌رچی هێشته‌که‌یش
گیانیان تێداما‌بوو، له سه‌ر ده‌ستیان دانابوو..... منـاڵه‌کان ، دوازده وانه‌ی
زێڕینی شاعیری تینوی گه‌لی
کورد و ته‌واوکه‌ری شه‌ونامه‌که‌ی په‌شێو بوو ،که به
داخه‌وه ته‌نیا دوو وانه‌ی له‌چاپ درابوو ، ده وانه‌که‌ی تر وه‌ک
چۆله‌که سه‌ریان بڕابوو. ئه‌و کۆپله شیرینه‌ی
لای سه‌ره‌وه یه‌کێک بوو له‌و چۆله‌که سه‌ر بڕاوانه‌ی
که عه‌زیزی شاهروخ یش به هه‌ق زیندووی کرده‌وه.
چه‌ند هێنده‌ی دیکه رۆح و گیان و هه‌ستی به
تینی پێ به‌خشیه‌وه. مناڵه‌کان و یاخییه
ژین تاڵه‌کان وه‌ها تێکهالان......... تاوه‌کوو، لـــه هه‌ولێری
پێته‌ختی کوردستان و له چه‌ندمه‌تری بێرکوتی باوه‌شی
دایکی خۆشه‌ویستی په‌شێو دابه‌زین و په‌رله‌مان
و حکومه‌تی کوردانیان دامه‌زراند و........کاروانی ئێمه‌ی
کوردی هێشته‌که‌یش له‌ت و په‌تکراو ، هـــه‌روا به ڕێوه‌یه
و بێچاره مناڵه‌کان هه‌روا چاوه‌ڕێی چاره‌ن و..........؟؟
یادی هه‌موو یاران و عا‌زیزانی
هاوسۆز و ئه‌وه‌ی سازی ئاوازی
خۆشه به خێر بێت.
هه‌ر به خێر بێت یـــادی
گشـت ها‌وسه‌نگه‌رانی ناودۆڵی شیوه‌جۆ ، دڵی
ئه‌وکاتی شـار و به‌رقه‌دی شاخ وجه‌رگه‌ی خه‌بات. یادی
که‌پکی سه‌رته‌پکی شاخ و یادی ئاه و ناڵه‌ی
پڕ له داخی چی گوڵی ناو گوڵ و گوڵزار وچه‌مه‌نزاری ته‌ختایی
چی چۆل و ده‌ر و ده‌شت و یادی به‌زمی ناو باخ و یادی ڕه‌زمی ناو کۆخی لێوار
چه‌م و کۆشکی رووخاوی به‌رده‌م بێستانی قه‌راغ
روباره‌کانی گشت وڵات و یادی چی گیانبه‌خت و
خۆشه‌ویستی هه‌موو خۆشه‌ویسته‌کانی
کوردســتان، ســه‌دجار و هه‌ر جاره‌یش به‌و په‌ڕی ڕێزه‌وه
به خیربێن.
له دوای یه‌که‌م نه‌ورۆزی
پیرۆزی ئازادی و دوا به دوای نه‌مانی شــای
ئێران، له‌و وڵاته وله رۆژهه‌ڵاتی کوردستان، له
نه‌کاو و کوت و پڕ و زۆر به وریایی و له سه‌ره‌خۆ
و به‌و په‌ڕی بێ
به‌زه‌یی، نه‌ورۆزی ئازادی بوو به نه‌ورۆزی خوێناوی
کوردستان و مێژوویه‌کی نوێ سه‌ری هه‌ڵداو.....! دار و به‌ردی گه‌ل و وڵات
هه‌موو تێکڕا و پێکڕا ، یه‌کده‌نگ و و‌ێکڕا
هاتنـه وڵام و...... یه‌کبوون واته سـه‌رکه‌وتن.
فرمێسکی ڕنوی کوێستانی
کوردی مامۆستا هێمن له دایک بوو. فرمێسکی ڕنو
مێژووی ڕاسته‌قینه‌ی سه‌رده‌مێکی ناسک
و ته‌سکی سیاسی و میژووییه.
ئه‌نجومه‌نی فیڵارمونیکی
کوردستان له سنه‌ی خوێناوییه‌وه سه‌ری هه‌ڵدا.
له دایک بوونێکی ڕۆشنبیری و هونه‌ریانه
و ئهوهیش فرمێسکی ڕنوی کوێستانه ته‌مگرتووکانی
کوچکه ڕه‌ش و پیرئومه‌ر و شه‌ریفاوا بوو له داوێنی
ئاویده‌ری هه‌میشه سه‌ربه‌رزی سنه‌ی خه‌مڵاویی
و زینـدوو. سه‌مفونیای کاووکێ به هاودڵی و یه‌کده‌نگی
ئۆرکسترایه‌کی نزیک به سـه‌دکه‌سی له ناوه‌ندی
ورزشگه‌ی یارییه‌کانی گشتی مه‌هاباد دابه‌زی
و له ژێر باڵی ئه‌و پیـری زانای ئه‌ده‌ب و
سه‌رمه‌ستی فه‌نن و هونه‌ر، مامه هێمنی زیندوو و به به‌شداری هه‌زاران
کوردستانی و مه‌هابادی، بۆ ماوه‌ی چه‌ند شـه‌و و رۆژ
، هاوڕێ له گه‌ڵ عه‌زیزی شاهروخ هاواری خۆیان
بــه‌رز کرده‌وه و........ سه‌مفونیای کاووکێ ، ئاوێنــه‌ی
ته‌واونوێنی ڕاپه‌رین و به‌رپابوونی شۆڕش
و سه‌رکه‌وتن و شـه‌ڕی خوێناویی به‌هاری 1358ی
کوردسـتان بوو، که به شه‌ڕی سێ مانگه له مێژوودا ناوبانگی
ده‌رکردوه.
ئه‌وه بۆ یه‌که‌مجاربوو که گروپێکی
به هێزی به‌م جۆره و به به‌شداری نزیک به سـه‌د
مووزیسێنی کورد به تایبه‌تی کچی کوردی له ساحه‌ی
کوردستاندا خۆی ڕێکده‌خست و خۆیان ده‌رده‌خست.
ئه‌م ڕاپه‌ڕینه‌یش له ناوه‌ندی هونه‌ره جوانه‌کانی
سـنه، له رۆژهه‌ڵاتی کوردستان به‌رپا کــرا، شاه‌کارێکی
هونه‌ری گه‌وره بوو، له ڕاده‌یه‌کی مه‌زندا. سـازده‌ر و داڕێـژه‌ری
سه‌ره‌کی ئه‌و ئه‌رکه مێژووییه‌یش به ناوی
مامۆستا ئیقبالی حاجبی تۆمارکراوه. ناوبراو له دایکبووی
کوچه و کۆڵانه مێژووییه‌کانی شاره جوانه‌که‌ی
سنه‌ی سه‌ربه‌رزه. ئێسته‌که یه‌کێـک له مامۆستاکانی
هونه‌ری باڵایه له ئه‌ڵمان. ئه‌وه‌ی که مامۆستا
هێمن له مه‌راسیمی رۆژی
کۆتایی سه‌مفۆنی کاووکێ و به‌زمانی خۆی
له‌مباره‌یه‌وه به‌یانی ده‌کات، بۆ گووتنی ئه‌و ڕاپه‌ڕینه
مه‌زنه و بۆ باسی ئه‌م نووسینه به‌ســـه. مێژوویه‌کی
که تۆمارکراوه و ماوه و زینــدووه. له تاقچه‌ی نهێنی ومێژوویی زۆر
له رۆشنبیرانی کورددا پارێزاراوه.
ئه‌وکاتی، حیزبی دیموکرات
و له سه‌رو هه‌مووانه‌وه دوکتورقاسملوی مه‌زن و به‌ڕێزان کاک جه‌لیلی
گادانی و کاک حوسینی مه‌ده‌نی و مامۆستاهێمنی
ره‌حمه‌تی که تا ئه‌وکاتی هێشته‌که بازنشـست و خه‌ڵات
نه‌کرابوو ، پاڵپشتی ته‌واویان
له‌و ڕاپه‌ڕینه ڕۆشنبیرییه کرد
به ته‌واوی ماناوه و ته‌نانه‌ت له کاتی ئاواره‌یی و ده‌ربه‌ده‌رییه‌کانی
گشت ئه‌ندامانی ئه‌نجومه‌ن و....... داخه‌که‌‌م شــه‌ڕ و ئاکامی
به‌دخوڵقی شه‌ڕ و خالق و خوڵقێه‌نه‌رانی شـه‌ڕ،
ماڵ وحاڵ وژیان وگیانی گشـت لایه‌کمانی
و هه‌ر یه‌که‌ی به جۆرێک هه‌ڵڵـــووشی
و زۆری به گل داپۆشــــی.....!به
نیازی یادی
شاهروخ ، ناو و یادی خۆشه‌ویستانی دیکه‌ی
گه‌ل و نیشتمانیش گه‌یشتنه یـاد. یادی گشت ئه‌وانه‌ی
وا له ناو دڵی خه‌ڵکا ئه‌ژین، به بێگومان هه‌ر به
خێر و هه‌ر به سه‌لامه‌ت دێنه گـــۆ. به‌ڵام ، واباشــه
ئێمه‌ی کوردیش وه‌ک مرۆڤگه‌لی پێشکه‌وته
وتێگه‌یشتووی سه‌ر گۆی زه‌وی ، به‌رله ماڵاوایی
و کۆچی دوایی عازیزان، یاد و ناو و ئه‌رکی
هونه‌ره مه‌زنه‌کان و ژن و پێاوه گه‌وره‌کانمان به‌رز و به ڕێزه‌وه
ڕایان بگرین.
شاهروخ هونه‌رمه‌ندێکی مه‌ند و رۆشنبیرێکی
مه‌رد و ڕه‌نده. هونه‌رمه‌ندێکی به ئه‌مه‌کی خه‌ڵکییه
و هه‌ر بۆیه‌یشه که وا له ناو دڵی خه‌ڵکا
ده‌ژی ، به تایبه‌تی له مه‌کۆی کۆماره
جوانه‌مه‌رگه‌که‌ی کوردستان و له مه‌هابادی شه‌هیــد. سه‌ربه‌رزی
و هه‌ژاریی،گه‌رچی پیشه‌ی شاهروخی هونه‌رمه‌نده،
به‌ڵام له‌وه‌یدا که هونه‌رمه‌ندانی به ئه‌مه‌کی خه‌ڵکی
خاوه‌نی مایه و سه‌رمایه‌یه‌کی واقیعین
و ئهوهیش خۆشه‌ویستی ڕاسته‌قینه‌ی خه‌ڵکــییه
، هیچ شک و گومانێکی تێدانییه.
پتر له سی ساڵه کاک عه‌زیزی
شاهروخ له نزیکه‌وه ده‌ناسم. زۆری له گه‌ڵ ژیاوم.
زۆرکات و زۆر شه‌و رۆژ و مانگ وساڵان له ته‌کیا، هاودهم و یه‌کدڵ و ها‌وفریاد
بــووم. من له ڕادیۆ وته‌له‌ڤیزیۆنی
مه‌هاباد و شاهروخ له دایره‌ی فه‌رهه‌نگ و هونه‌ری مه‌هابادوه، هاورێ و هه‌ڤالی یه‌ک
سه‌نگه‌ری فستیوال و جێژنواره‌کانی سه‌رانسه‌ری ئێران
و کوردستانی وله حه‌فله و پرۆگرامه تایبه‌تییه‌کانی
شاهروخ له گشت شاره‌کانی بۆکان و مه‌هاباد و ورمێ و له سه‌قز
و سنه و له سه‌رده‌شت و بانه و له تاران و ئیسفه‌هان و شیراز و
قزوین و زه‌نجان و ڕه‌شت و ڕامسه‌ر و شه‌هسه‌وار و نور و.....
هاودهم و هاوسۆزی کاره هونه‌رییه‌کانی شاهروخ
بووم، وه‌ک بێژه‌ر و به‌رێوه‌به‌ری به‌رنامه‌کانی.
جیا له هونه‌ر، ئه‌ده‌ب و مه‌عریفه‌ت
و شه‌خسییه‌ت و هه‌یبه‌تی کۆمه‌ڵایه‌تی
شاهروخ به وێنه‌ی ده‌نگی به‌رزی به‌رزن.
شاهروخ به‌رپرسی به‌شی ڕۆشنبیری
و هونه‌ری بۆکان و مه‌هاباد بوو له وه‌زارتی فه‌رهه‌نگ و هونه‌ری
حکومه‌تی پێشووی ئێراندا و له ناوه‌ندی مه‌هاباد.
له زه‌مانی شا به تاوانی کوردبوون5 ساڵ زیندانی سیاسی
کێشــا و له حکومه‌تی
کاتی ئێرانیش له‌سه‌ر کار وه‌لانرا و زیاتر که‌وته ناو دڵانی
خه‌ڵکه‌وه..... نه‌به‌زی و به زه‌حمه‌تکێشــان کۆڵی
نه‌دا، له بان پای خۆیدا ڕاوه‌ستا. ئێسته‌که خاوه‌نی کۆمپانیای
په‌خشی هونه‌ری گورانی کوردییه به ناوی ستریۆ
شاهروخ له مه‌هاباد که هه‌ر خۆی سه‌رپه‌رشتی ده‌کات.
عه‌زیزی شاهروخ ، له ماوه‌ی
ته‌مه‌نی دوور و درێژی کاری هونه‌ری خۆیدا توانی زۆر مامۆستایانه
و به‌و په‌ڕی هه‌سته‌وه، وێنه‌کانی سه‌ید عه‌لی
ئه‌سغه‌ری کوردستانی زیندوو بکاته‌وه. سۆزی تایبه‌تی
حه‌سه‌ن جه‌زراوی بـوژانده‌وه و کاووکێی سه‌رله‌نوێ گه‌شــانده‌وه. شاهروخ به وێنه‌ی تاهیر
ته‌وفیقی نه‌مر ،جۆش و خرۆشی خه‌ڵکی وه‌زاڵه‌هاتووی
له ڕۆژهه‌ڵاتی کوردستان زرینگانده‌وه. گه‌رچی
له هه‌موو کات و سه‌رده‌می ژینی هونه‌ریدا هه‌مه جۆره
که‌ند و کۆسپی لاڕێی بۆ هاتووه‌ته
ئاراواوه، به‌ڵام شاهروخ سـازی ناسازی سـۆزی
شیعر و ئاهه‌نگ و ده‌نگی سیحراویی مامۆستا
سالح دیلانی ره‌حمه‌تی بوو له‌مدیو گه‌رمێنه‌وه.
شاهروخ بووه مه‌کته‌بی وانه و گووتنه‌وه‌ی شیعره به‌رزه‌کانی
گۆران و په‌شێو و هێمن و هه‌ژار و سواره و محه‌مه‌دی نوری
و ئه‌حمه‌د هه‌ردی و وه‌فایی و....... به ده‌نگی به‌رزی
پڕ له ڕه‌مز و ڕازی شاهروخی عه‌زیز. شـــاهروخ و کۆمه‌ڵی
ئاهه‌نگه‌کانی ده‌ستکردی خۆی وه‌ک پیره هه‌ڵۆ
، شـه‌ماڵ ، سڵاو بۆ تۆ ، ده‌تپه‌رستم ، ئاسمانی شین،
تۆ ده‌ریامی ، کۆمه‌ڵه‌شاخ ، شه‌وی ته‌نیایی
و مه‌قامی تکا و مناڵه‌کان ، ئه‌ی یاخییه‌ژین
تاڵه‌کان و......... تێکرای کاره‌کانی شاهروخ هه‌ر کام گه‌نجینه‌یه‌کن
له ناو خه‌زێنه‌ی هونه‌ره جوانه‌کانی گۆڕانی
ڕه‌سه‌نی کورده‌واری. یادی عه‌زیزی
شاهروخ و گشت هاوکاره‌کانی تیپی موسیقای شاهروخ واته مامۆسـتایان : قادر سه‌یاحی ، ڕه‌شیدی
فیزینیژاد ، فاروقی مه‌تین ، خانه‌ی ئه‌حمه‌دزاده
، حوسه‌ینی ڕه‌هبه‌ر و به‌همه‌نی مه‌تلوب و جه‌عفه‌ری
مینایی و سمایلی شاهی و محه‌مه‌دی دانش
و یۆسفی ئه‌فراسیابی و مهاجر و نیک بین.....
یادی هه‌موو هونه‌رمه‌ندێکی مروارید و له سه‌ر دڵانی خه‌ڵکی، له هه‌ر شوێنێک که هه‌ن
به‌خێر و سه‌لامه‌ت بن.
یادی نه‌ورۆزی ساڵی
1976 و ئه‌و نه‌ورۆزه‌ی که چریکه‌ی سوبح پێ ناکه‌نێی
عه‌زیزی شاهروخ له هۆڵی کۆشکی لاوان (
کاخ جوانان ) ی سنه‌وه و به پاڵپشتی ڕاسته و خۆی
ڕۆشنبیرانی کوردستانی و به به‌شداری هه‌زاران
که‌س به‌رز و به‌رزتر بووه‌وه و له که مترین ماوه‌دا له سه‌رتاپای
کوردستان ده‌نگی دایـه‌وه......... یادی به خێـــر!
ئه‌و کات و ئه‌و ڕۆژانه، سه‌ره‌تاکانی ڕاپه‌ڕینی
گه‌لانی ئێران بوو....... ئێسته‌که و له دوای نزیک
به سی ساڵ سـنه هه‌روا ناوه‌ندی ڕۆشنبیران
و هونه‌رمه‌ندانی به تواناو ڕاستگۆ و به ده‌ست و برده، له
ساحه‌ی ئێران و ته‌نانه‌ت له به‌ره‌کانی به‌ر به‌ره‌کانێ
و ململانییه‌کانی دنیای هونه‌ر و له جیهانی
نوێدا به تایبه‌تی و....... یادی سه‌روه‌رانی
به یادماندنی : فه‌روخی ریاحی و عه‌لائه‌مین
و جه‌لالی مه‌لکشــاو ناسه‌رڕه‌زازی و سولیمانی
بلوری و جه‌مال موفتی و پۆڵا نانه‌وازده و ئیقبالی
حاجبی و فه‌رهادی بابان و حه‌مه عه‌لی و به‌هروز کوردئه‌حمه‌دی
و یادی له 1975 وه تاوه‌کوو ئه‌م نه‌ورۆزه پیرۆزه‌ی
2005 ی زائینی به هه‌موو خۆشی و ناخۆشییه‌کانیه‌وه
هه‌ر به خێر بێت. له ته‌نیشت گۆره پیرۆزه‌که‌ی
یه‌که‌م سه‌رۆک کۆماری کورده‌وه ، یادی سێ
شۆره‌سواری ڕێگه‌ی ئازادی و هه‌ر سێ
جوانه‌مه‌رگی ڕێگه‌ی ئه‌ده‌ب و هونه‌ر و ڕۆشنبیری،
هه‌ژار و هێمن و ماملێ به خێر بێت، ڕه‌وانیان شاد و گۆڕیان
پڕ له عه‌تر و گوڵی عه‌نبه‌ر نه‌سیم بێت.
وه‌ک چۆن یاد و ناو و هونه‌ری
هونه‌رانی نه‌مر سێوه و حه‌سه‌ن زیرک و عه‌لی مه‌ردان و
تاهیرته‌وفێق وسالح دیلان و حه‌سه‌ن جه‌زراوی، تێکه‌ڵاوی
مێژوو بوون و مێژوو ده‌ژێنن و هونه‌ری مێژوو ده‌ژه‌نن
و نه‌مران هه‌مووکات و له هه‌ر سه‌رده‌مێکدا زیندوون. شاهروخ و ده‌نگی
سیحراویی شاهروخیش له مێژه تێکه‌ڵاوی
به‌شێکی مێژووی هونه‌ر و گۆرانی ڕه‌سه‌نی
کوردی بووه. هه‌ر هونه‌ر نه‌مره و هونه‌رمه‌ند.......؟ تۆ بزا ئه‌وه‌ی ئه‌هلی
هونه‌ر بێت ده‌بێ یاده‌ربه‌ده‌ر یا ده‌ست به سه‌ر بێت.!
دیسانه‌وه نه‌ورۆزه. نه‌ورۆزی
گشت لایه‌ک پیرۆز و هه‌موو رۆژێکتان نه‌ورۆز.
نه‌ورۆز و رۆژی نوێ.
نه‌ورۆز و جێژنی کۆنی کورده به خۆشی
و هاتـــه‌وه...... یادی شه‌هیدبوونی هه‌ڵه‌بجه و
نه‌ورۆزی کورد وه‌ک هه‌موو ڕۆژێکی کورد ئاگرێکی
کردووته‌وه........ له‌م رۆژه‌دا و ده‌نگی ئه‌وکیژه ژیکه‌ڵانه
کورده نه‌شمیلانه‌ی هه‌ڵه‌بجه که یادی مناڵی
خۆی و شه‌هیدبوونی شاره‌که‌ی و چۆنیه‌تی
خنکانی که‌س وکاری خۆی بۆ ئاماده‌بووانی به‌شدار
له مه‌راسیمی یادی هه‌ڵه‌بجه و له هوڵندا،
ده‌گێڕایه‌وه........چاوت لێی بوو که دار و به‌ردی
هێنایه گریان. هه‌ر ئه‌و کاته که‌وتمه یادی تۆ شاهروخی عه‌زیز و له
ناو جه‌غزی سۆزی ده‌روونی پڕ گڕی تـۆ،
هیچ له بیرته.؟ له‌م کاتگه‌له‌دا، ده‌نگی شاهروخ چڵۆن
گه‌رم داده‌هات و به جۆرێک ده‌هاته جۆش و خرۆش، که‌لیپاولیپ
هه‌ستی پاکی لێوه ده‌ڕژا. چ دوڕڕێکی
گرانبه‌های هه‌ڵده‌ڕشته سه‌ر سفره‌ی دڵی
ده‌رده‌داران و گوێگر و بینه‌ری ته‌نانه‌ت دڵڕه‌قیشی
ده‌ته‌زاند و..... ده‌نگی شاهروخ زور جار سنوره ده‌ستکرده‌کانی به‌زاندووه
و ئه‌ویندارانی کوردی لاواندووه‌ته‌وه.
مێژوویش ده‌ڵێت : هه‌ر
هونه‌ر نه‌مره. هه‌ر بۆیه زۆر باش ئه‌زانم که شاهروخ هه‌میشـه
زینـدووه. به‌ڵام شاهروخ هێشته‌که زیندووه و مێژوو
، هه‌مدیسانه‌وه و سه‌رله‌نوێ پێویستیان به ژن
چاک و به پێاوخاسان هه‌یه.
تاوه‌کوو سه‌ر لێواری سه‌رکه‌وتنی ئێجگارکی و گه‌یشتن
به‌حه‌سانه‌وه‌ی گشتی و تا وه‌ده‌ستهێنانی به‌خته‌وه‌ری
وخاترجه‌می ، منـاڵه‌کان ، پێویستیان به پاڵپشتی
گشت لایه‌کمانه.......! چاوه‌ڕێی هیممه‌تی
واڵا و هه‌موو لایه‌کمان و نیازمه‌ندی به‌رژه‌وه‌ندی باڵای
گشــتین.!
یادی عه‌زیزی شاهروخ و
گشت هونه‌رمه‌ندانی پاک سرشت به خێر بێت.
نه‌ورۆزی
2705 ی کوردی رێککه‌وتی
مارسی
2005 ی زائیینی
سوئد . ستۆهکۆلم